ԱՄՆ-ը, Ճապոնիան, Կանադան, Հարավային Կորեան, Թայվանը, Ֆիլիպինները և Սինգապուրը պայմանավորվել են ստեղծել տեղեկատվության փոխանակման փակ համակարգ՝ որպես Ասիա-խաղաղօվկիանոսյան տնտեսական համագործակցության (APEC) ֆորումի համապատասխան կառույցների այլընտրանք:

Այս մասին տեղեկացրել է Nikkei թերթը։ «Քանի որ Ռուսաստանը և Չինաստանը Ասիա-խաղաղօվկիանոսյան տնտեսական համագործակցության ֆորումի անդամներ են, մտահոգություններ են առաջացել անձնական տվյալների հոսքի վերաբերյալ: Նոր կանոնները շրջանակ են ստեղծում ընդհանուր վստահության զգացումով անդամների համար: Ծրագրերը ներառում են ոչ APEC երկրների, ներառյալ Հարավային Ամերիկայի երկրները:

Այն երկրները, որոնք կհամաձայնեն աջակցել նախաձեռնությանը, տեղեկատվություն կփոխանակեն փոխշահավետ կապեր զարգացնելու համար, ներառյալ էլեկտրոնային առևտրի ցանցերի ընդլայնումը և անօդաչու սարքերի վերահսկման համար համատեղ մշակված տարածաշրջանային կառույցների ներդրումը: Միաժամանակ նրանք կկարողանան գործել այլ միջազգային ասոցիացիաներից անկախ։ Ենթադրվում է, որ մասնակիցների թվի ընդլայնմամբ տվյալների փոխանցման նոր կառուցվածքը չի զիջի Եվրամիության համանման համակարգին։

Ավելի վաղ՝ մայիսի 14-ին, ՌԴ ԱԳ նախարար Սերգեյ Լավրովը հայտարարել էր, որ ԵՄ երկրները վարում են այնպիսի քաղաքականություն, որը հիմնականում ձեռնտու է Վաշինգտոնին՝ կորցնելով անկախության նշանները։ Նա զգուշացրել էր, որ Ռուսաստանի դեմ արևմտյան հիբրիդային պատերազմի հետևանքները կզգան բոլորը և Մոսկվան քայլեր է ձեռնարկում, որպեսզի այդ ուղղակի առճակատումը տեղի չունենա։