news-details
Քաղաքական

Լեհաստանի, Չեխիայի եւ Սլովենիայի կառավարությունների ղեկավարները կժամանեն Կիեւ՝ բանակցելու Զելենսկու հետ

Լեհաստանի, Չեխիայի եւ Սլովենիայի կառավարությունների ղեկավարները երեքշաբթի կմեկնեն Կիեւ՝ բանակցելու Ուկրաինայի նախագահի եւ վարչապետի հետ։ Այս մասին ասված է Լեհաստանի կառավարության կայքում տեղադրված հայտարարության մեջ։

«Լեհաստանի վարչապետ Մաթեուշ Մորավեցկին և փոխվարչապետ, Ազգային անվտանգության և պաշտպանության կոմիտեի նախագահ Յարոսլավ Կաչինսկին Չեխիայի վարչապետ Պետր Ֆիալայի և Սլովենիայի վարչապետ Յանեզ Յանշայի հետ միասին այսօր մեկնելու են Կիև՝ որպես Եվրախորհրդի ներկայացուցիչներ հանդիպելու Ուկրաինայի նախագահ Վլադիմիր Զելենսկու և Ուկրաինայի վարչապետ Դենիս Շմիգալի հետ»,- նշված է հաղորդագրությունում։

«Այցի նպատակը Ուկրաինայի ինքնիշխանությանը և անկախությանը ամբողջ Եվրամիության անվերապահ աջակցության հավաստումն է, ինչպես նաև Ուկրաինային և նրա հասարակությանը աջակցության լայն փաթեթի տրամադրումը»,- ասված է տեղեկագրում։

Նշվել է նաև, որ ուղևորությունը կազմակերպվել է Եվրոպական խորհրդի նախագահ Շառլ Միշելի և Եվրահանձնաժողովի ղեկավար Ուրսուլա ֆոն դեր Լյայենի հետ համաձայնեցմամբ։ Միջազգային հանրությունը միջազգային կազմակերպությունների, այդ թվում ՄԱԿ-ի միջոցով տեղեկացված է պատվիրակության այցի մասին։ News.an