news-details
Քաղաքական

Ռուսաստանի եւ Թուրքիայի պաշտպանության նախարարները քննարկել են Ուկրաինայի եւ Սիրիայի իրավիճակը

Ռուսաստանի եւ Թուրքիայի պաշտպանության նախարարներ Սերգեյ Շոյգուն եւ Հուլուսի Աքարը Ստամբուլում քննարկել են Ուկրաինայի եւ Սիրիայի իրավիճակը։

 Այս մասին հայտնում է ՌԴ ՊՆ-ն։

Շոյգուն նշել է, որ ամերիկացի զինվորականները երկար ժամանակ գտնվում են ինքնիշխան Սիրիայի տարածքում։ Շոյգուն նրանց այնտեղ մնալն անվանել է միջազգային նորմերի խախտում եւ ընդգծել, որ ահաբեկչական խմբավորումների զինյալները վերապատրաստվում են ԱՄՆ-ում տեղակայված բազաներում, ինչպիսին է Էթ-Թանֆը։

Շոյգուն նաեւ նշել է Սիրիայի պաշտոնական կառավարության դեմ ԱՄՆ-ի միակողմանի պատժամիջոցների անօրինականությունը։ Նա նաեւ ընդգծել է, որ այս սահմանափակումները ավելի են սրում երկրում տիրող ծանր հումանիտար իրավիճակը։

ՌԴ պաշտպանության նախարարը հայտնել է, որ ամերիկյան զինուժը գրավել եւ ներկայումս վերահսկում է Սիրիայում մի շարք տարածքներ, որտեղ օգտակար հանածոների արդյունահանում է կատարվում։

news.am